Вечерва турнирот во мал фудбал „Богородица Куп 2025“ што се игра во Волино донесе нова доза возбудливи дуели, спектакуларни голови и изненадувачки резултати.
Најголемата победа ја запиша екипата на Хотел Тино, која ја демонстрираше својата апсолутна доминација и славеше со убедливи 18:0 против Турист Инжинеринг. Со оваа победа, „Тино“ уште еднаш потврди дека е еден од главните фаворити за трофејот.
Во вториот натпревар, Мешеишта иако влегоа како аутсајдери, одиграа дисциплинирано и успеаја да слават со минимални 2:1 против квалитетната екипа на Кутмичевица Вевчани.
Во третиот меч вечерва, Аце Најдески ја продолжи својата одлична форма и славеше со 3:1 против Лаз Бун, додека вечерта ја заокружи тимот на Дејан Војвода, кој со високи 6:2 беше подобар од Оровник Танче Мирчески.
- Распоред за утрешните натпревари (четврток, 21.08.2025)
20:00 Бел Мерцедес – Компани Стојкоски
21:00 Аце Најдески – Кутмичевица Вевчани
22:00 Ескобар – Искра
23:00 Др Баткоски – Плажа Канео
Очекувајте уште еден возбудлив ден исполнет со атрактивни голови и интересни пресврти. Турнирот во Волино продолжува да нуди врвен фудбал и голема неизвесност во борбата за пласман во завршницата.
Спортска Мрежа годинава по првпат е медиумски покровител на овој спортски настан кој се игра во Волино.
