Македонската тенисерка Сара Митевска со триумф во конкуренција на двојки го заврши турнирот „Југ Опен 2025“ што се одржа во Скопје за играчи до 18 години.
Митевска заедно со кинеската тенисерка Фанг Ју Шанг во големото финале ги совладаа Викторија Новакова и Дијана Петрасова со убедливи 2-0 во сетови (6-4, 6-1).
Во поединечна конкуренција кај момчињата, Кристијан Јанев, член на македонската Дејвис куп репрезентација, стигна до полуфиналето, каде што беше поразен од Романецот Лука Стефан Нита со 2-0 (6-2, 7-5).
Ова беше втор од серијата меѓународни турнири што се играат во главниот град. Веќе оваа недела, на терените на ТК Југ стартува следниот турнир – „J30 Скопје Интеко Опен 2025“.
