Вечерва на турнирот во мал фудбал „Богородица Куп 2025“ во Волино се одиграа четири возбудливи натпревари кои донесоа многу голови и динамика. Најголемото внимание го привлече екипата на Гранит Х, која одигра фантастичен меч и славеше со убедливи 6:0 против Кибо пласт, со што испрати јасна порака дека е во врвна форма и има големи амбиции за понатамошниот тек на турнирот.
Не помалку впечатлива беше и екипата на Бел Мерцедес, која целосно го надигра составот на Плажа Канео, победувајќи со високи 2:9, во дуел кој уште еднаш потврди дека Бел Мерцедес е тим кој знае да доминира на теренот и да ја казни секоја грешка на противникот.
Во првиот натпревар за вечерта, Брумел со минимални 1:0 го совлада Новапор, додека во третото соочување, екипата на Екстра Скопско беше подобра од Сатеска и славеше со 1:3, во меч исполнет со голема борба и темпо до самиот крај.
- Најава за утре (вторник 19.08.2025):
20:00 Блу фиш – Дооел Ноче
21:00 Мартиник мебел – Чардак Велгошти
22:00 Инекс Олгица и Спа – АД Галеб
23:00 Гостилница кај Мече – Македонија
Следува нова вечер исполнета со дерби натпревари, каде љубителите на фудбалот ќе имаат можност да уживаат во уште повеќе возбудувања.
Спортска Мрежа годинава по првпат медиумски го поддржува овој спортски настан во селото Волино, општина Дебрца.
