Екипата на Осогово имаше успешна „генералка“ откако вчера на градскиот стадион во Кочани со минимални 1:0 славеше над Беласица.
Стрелец на победничкиот гол за „жетварите“ беше новото засилување Давид Голубов, а кој погоди во 50. минута од мечот.
Овој меч беше последен тест и за двете екипи да ја проверат формата за фудбалерите, Крсте Крстев и Александар Стојанов како предводници на екипите имаа можност за последна проверка пред стартот на новата сезона во Втората лига следната сабота на 23 август.
Осогово сезоната ја отвара со дербито во Македонска Каменица против Каменица Саса, а пак Беласица гостува кај Охрид во дербито на првото коло.
