Денес започнува новата сезона во Првата женска фудбалска лига со натпреварите од првото коло.
Познати се и судиите кои ги делегираше Фудбалската федерација на Македонија (ФФМ) за натпреварите од првото коло.
Сезоната ќе биде отворена во Тетово со натпреварот меѓу шампионот Љуботен и незгодниот Истатов, а кој меч започнува во 16 часот. Таму главен судија ќе биде Вјолца Изеири од Гостивар, а нејзе ќе и помагаат Елена Соклевска Илиевска и Тамара Цветановиќ од Скопје.
Во 17 часот ќе започне мечот во Пржино каде фаворитот Скопје го пречекува повратникот Кочани, за правдата ќе биде задолжен Дарко Котевски од Битола, а негови помошници ќе му бидат Ангела Домазетовска од Битола и Татјана Ивановска од Куманово.
Во 17:30 часот ќе започнат три натпревари. Во Битола екипата на Топ Гол ќе се соочи со Тиверија Брера. Правдат ќе ја дели Ангелчо Ристов од Неготино, а ќе му асистираат Марио Мојсоски и Јован Анѓелкоски од Струга.
Речица на домашен терен ќе игра против фаворитот Каменица Саса, а Ангела Рајчевска ќе ја дели правдата со нејзините помошници Радмила Неркова од Велес и Цветанка Савеска од Јегуновце.
Во Струга ќе се сретнат Ас Јунајтед против битолски Топ Гол, каде главен судија ќе биде Димитар Левески од Охрид, а негови помошници ќе бидат Николче Николовски од Ресен и Стефан Петрушевски од Охрид.
- ДЕЛЕГИРАНИ СУДИИ 1. КОЛО ПРВА ЖЕНСКА ФУДБАЛСКА ЛИГА:
Топ Гол – Тиверија Брера, Ангелчо Ристов (Неготино)
Скопје – Кочани, Дарко Котевски (Битола)
Речица – Каменица Саса, Ангела Рајчевска (Скопје)
Љуботен – Истатов, Вјолца Изеири (Гостивар)
Ас Јунајтед – Атлетико, Димитар Левески (Охрид)
