Какво „пеколно“ четвртфинале понуди овогодинешното издание на турнирот во мал фудбал во дебарско Долно Косоврасти.
Вечерва се одиграа два четвртфинални натпревари кои понудија шест погодоци. Во првото соочување Коко Бар со 3:0 лесно го декласираше Џепчиште и се чекираше во полуфиналето.
И второто соочување од четвртфиналето понуди три погодоци откако Минти Транс го „прегази“ Монте Констракшн со 3:0.
Утре на програмата ќе бидат останатите два четвртфинални натпревари. Тим Хазал ќе се соочи со тимот на ФК Јорал, а пак второто соочување го носи дуелот на Иљазоски Компани против Горно Косоврасти.
Победниците од овие два дуели ќе бидат последните два патници во полуфиналето од турнирот кој се одржува по 16-ти пат, а се работи за турнир со голема фудбалска традиција.
Спортска Мрежа медиумски го поддржува овој турнир.
