Пенали го решија меморијалниот турнир „Алмир Ибески – Алмо 2025“, речиси секоја вечер во текот на целиот турнир пеналите решаваа натпревари, па така беше и на последниот финале ден.
Екипата на Пилана Жарко е победник на турнирот откако во големото финале славеше над Твинекс. Регуларниот дел донесе шест погодоци за реми на двете екипи од 3:3.
Во пенал серијата повеќе среќа имаше тимот на Пилана Жарко, резултатот од ударите од белата точка беше 3:2.
Во малото финале или во мечот за трето место подобар беше тимот на Фенербахче, откако со 4:3 славеше над Центар Бела Црква.
Според конечниот пласман победник и шампион е тимот на Пилана Жарко, Твинекс е второпласиран тим, Фенербахче го освои третото место ,а пак Центар Бела Црква е четвртопласиран тим.
Спортска Мрежа и годинава медиумски го поддржа меморијалниот турнир „Алмир Ибески – Алмо 2025“, турнир кој е одлично организиран, турнир кој ги собра најдобрите екипи на едно место. Публиката во Дебреште уживаше секоја вечер, проследи одлични дерби натпревари, многу возбудливи натпревари, дерби пресметки, погодоци, шанси, моменти за паметење.
Овогодинешното издание од меморијалниот турнир „Алмир Ибески – Алмо 2025“ заврши, спортски поздрав од Дебреште до следното издание во 2026 година.
