На турнирот „Богородица Куп 2025“ во Волино, љубителите на малите голови уживаа во четири возбудливи натпревари исполнети со динамика, борбеност и одлични потези, но и многу погодоци.
Во првиот меч од вечерната програма, екипата на Турист Инжинеринг доживеа вистински потоп, откако Том Гор покажа поголема ефикасност и славеше со резултат 1:15, демонстрирајќи импресивна напаѓачка игра.
Следеше атрактивен дуел помеѓу Плажа Канео и Компани Стојкоски, каде што гледачите видоа дури 11 погодоци. По возбудлива игра и многу шанси, Компани Стојкоски славеше со 4:7.
Третиот меч донесе пет погодоци, каде што Лаз Бун ја наметна својата игра и со сигурни 4:1 ја совлада екипата на Кутмичевица Вевчани, покажувајќи цврста одбрана, а укажаните шанси ги претвараше во погодоци.
Вечерта заврши со најнеизвесниот натпревар – Др Баткоски и Бел Мерцедес одиграа израмнет меч, кој заврши без победник, 1:1, а на мечот преовладуваа шансите за повеќе погодоци, но без реализација.
Турнирот продолжува утре со нови возбудувања, а љубителите на мал фудбал сигурно ќе уживаат во уште повеќе спектакуларни голови и спортска атмосфера.
Распоред за четврток (14 август)
20:00 Новапор – Кафе бар Лавадо
21:00 Чардак Велгошти – Македонија
22:00 Ескобар – Сатеска
23:00 Брумел – Ресорт Бате боле
Спортска Мрежа годинава по првпат е медиумски покровител на овој спортски настан.
