Вториот натпреварувачки ден на „Богородица Куп 2025“ донесе уште повеќе возбудувања и погодоци за публиката во Волино.
Во првиот меч, Мартиник Мебел одигра моќно и безмилосно, совладувајќи ја Македонија со убедливи 4:0. Екипата покажа одлична екипна игра и сигурно го започна својот настап на турнирот.
Гранит Х исто така славеше со високи 4:1 против Дооел Ноче, контролирајќи го мечот од почеток до крај и потврдувајќи дека важи за еден од фаворитите во својата група.
Вечерта беше затворена со вистинска драма – Чардак Велгошти и Гостилница кај Мече одиграа возбудливо реми 3:3, па така двете екипи мораат да се задоволат со поделба на бодовите.
Турнирот продолжува утре со нови три дуели, а љубителите на малиот фудбал можат да очекуваат уште повеќе атракции и голови.
Спортска Мрежа годинава за првпат е медиумски покровител на овој спортски настан, а овој турнир важи за еен од најдобро организираните.
