Вечерва во прилепско Дебреште се одиграа четвртфиналните натпревари на меморијалниот турнир „Алмир Ибески Алмо 2025“, каде одново пеналите беа тие кои одлучуваат патници за пласман во полуфиналето.
Во првиот меч доминантна победа на Фенербахче од 6:1 над Галатасарај каде имаше голема разлика во квалитет, па така екипата на Фенербахче обезбеди лесно место во полуфиналето.
Во вториот четвртфинален натпревар екипата на Твинекс со 2:1 го доби Фасада Чајник, тесна победа во израмнет дерби меч но доволно за пласман во полуфиналето.
Екипите на Озан Ајаз и Центар Бела Црква одиграа 1:1 во регуларниот дел, а потоа во пенал серијата екипата на Центар Бела Црква беше подобра со 0:2.
Во последниот натпревар до четвртфиналната вечер екипата на Пилана Жарко со 3:1 го доби составот на Имран Транс и така патува во полуфиналето.
И вечерва како и во претходните публиката беше во голем број и даваше силна поддршка за екипите.
Утре вечер на програмата се полуфиналните натпревари. Од 20:30 часот Твинекс оди на мегдан со Центар Бела Црква, а пак еден час подоцна односно од 21:30 Фенебахче ќе игра против Пилана Жарко.
Победниците од овие натпревари патуваат во големото финале, а пак поразените екипи ќе играат во меч за третото место.
Спортска Мрежа и оваа година како и во претходните е медиумски покровител на овој спортски настан.
