Шкендија Арачиново не запира со засилувањата во пресрет на дебитантската сезона во Втората лига. Ново име во редовите на тимот е десниот бек Кристијан Чурлинов, фудбалер со солидно искуство од македонскиот фудбал.
24-годишниот Чурлинов се приклучува на клубот со цел да даде дополнителна стабилност и сигурност во дефанзивната линија. Во својата кариера има настапувано за неколку домашни прволигаши, меѓу кои Скопје, Силекс и Саса Каменица, каде што беше дел од тимот во последната сезона.
Зад себе има 43 настапи во Првата македонска фудбалска лига и запишани четири асистенции, што го прави вредно засилување за амбициозниот второлигаш.Со ангажманот на Чурлинов, Шкендија Арачиново јасно става до знаење дека сериозно ги сфаќа предизвиците кои ги носи новата сезона.
