Екипата на Црна Река стигна до триумф над ССК на гостински терен, славејќи победа со резултат од 3:8, со што ланскиот прволигаш од Кавадарци ја продолжува борбата за експресно враќање во елитата.
За тимот на ССК стрелци во поразот од 14. коло на Втората футсал лига беа Илија Алексовски, Несим Сулејман и Исени Таркан. За тимот од Кавадарци хет-трик постигна Ѓорѓи Стрезовски, двапати погоди Лазар Мицев, а по еднаш Никола Димов, Димитар Чоков и Горан Соколов.
Кратово пред домашната публика славеше триумф од 7:3 над тимот на Партизан Југ од Брвеница.
Дарко Мирков стигна до хет-трик за домаќинот, а двапати погоди Лука Давитковски, додека пак Кевин Јакимов и Никола Стојчевски беа стрелци на по еден гол.
За гостинот двапати погоди искусниот Даниел Радески, а пак во 34. минута гол постигна Марко Стојковски.
Со овие два натпревари се комплетираше 14. коло во Втората футсал лига, извештаите за претходните натпревари се достапни на Спортска Мрежа.
Што се однесува до самата табела на врвот е поранешниот шампион Железарец со 31 бод, втор е тимот на СЕЕ Университи со 30 бодови, Црна Река е трета со 27 бодови, а пак Каршиака е четврта со 25 бодови.
Овие четири екипи ја водат битката за тоа првите две места кои водат кон влез во Првата футсал лига.
