Третолигашот Еуромилк ГЛ ги „запали моторите“ со првиот собир и првиот тренинг со што беше означен почетокот на летните подготовки за новата сезона.
Некогашниот прволигаш од скопско Горно Лисиче подготовките ги започнува со цел да се врати во Втората лига, а за што клубот веќе промовираше и неколку квалитетни засилување.
Досега клубот се засили со Никола Анчевски, Матеј Андов и Дамјан Зенговски кои во пакет пристигнаа од велешки Борец, со Матеј Јаневски од Вардар Неготино, потоа со Јовица Радевски од Детонит Плачковица, пристигна и Бојан Јанев од Кожуф, како и Фати Јусифи и Охрхан Мифтари кои во пакет пристигнаа од третолигашот БВК Коњаре.
Како што дознава Спортска Мрежа до крајот на преодниот рок клубот ќе се засили со уште неколку засилувања.
