Беласица продолжува со оформувањето на ростерот за новата сезона во Втората македонска фудбалска лига, а најново име во тимот е младиот дефанзивец Филип Митев.
18-годишниот Митев, кој настапува на десната бековска позиција, пристигнува во Беласица како позајмен играч од прволигашот Брера Струмица. Со својата младост, енергија и потенцијал, се очекува да внесе свежина во дефанзивниот ред на струмичани.
Беласица продолжува да се засилува со домашни фудбалери, фокусирајќи се на таленти од регионот, со цел враќање на клубот кон врвот на мак-фудбалот.
Од клубот му посакаа добредојде на Митев, со желби за успешна и плодна сезона во „плаво-белиот“ дрес.
