Фудбалскиот клуб Беласица продолжува со засилувањата пред стартот на новата сезона, а ново име кое ќе го засили тимот е Анатолиј Петејчук. Трансфер кој пред неколку дена го најави Спортска Мрежа.
Петејчук е роден во 2002 година и настапува на крилните позиции, при што може да покрие и лево и десно крило, благодарение на својата брзина, агилност и технички способности. Тој во својата кариера помина низ екипите на Вардар и прилепска Победа на домашна сцена, а има и настапувано за екипи во Германија како и хрватскиот тим Граничар.
Со неговото пристигнување, Беласица добива играч со меѓународно искуство кој би можел да биде значајна алатка во офанзивната транзиција на тимот. Тренерскиот штаб верува дека Петејчук ќе донесе дополнителна динамика и ќе ја зголеми конкуренцијата во офанзивниот дел, што е особено важно во пресрет на серијата важни натпревари кои ги очекуваат струмичани.
Клубот продолжува активно да работи на формирање конкурентен состав, со јасна цел да обезбеди повисок пласман и стабилност во прволигашката конкуренција.
