ГФК Охрид Лихнидос продолжува со агресивна стратегија на трансфер пазарот во пресрет на сезоната 2025/26, откако денес беше промовиран уште еден нов фудбалер – Стојан Попоски.
24-годишниот бек и крилен играч доаѓа од редовите на Брегалница Штип, клуб во ја мина последната сезона. Во својата кариера Попоски настапувал и за екипите на Скопје, Борец и Кадино, стекнувајќи драгоцено искуство во македонските лиги. Тој е познат по својата борбеност и фудбалска интелигенција, а неговата флексибилност на десната страна од теренот ќе биде големо засилување за Охриѓани.
Интересен е и фактот дека Стојан Попоски е брат на претходно промовираниот Димитриј Попоски, кој исто така дојде од Брегалница. Со нив, како и со доаѓањето на искусниот голман Дамјан Серафимовhttps://sportskamreza.mk/11995/
(исто така од Брегалница) и голгетерот Андреј Симевски од Каменица Саса, Охрид значително го зајакнува својот ростер.
Клубот од Охрид, предводен од јасна цел – влез во Прва лига – е засега најактивниот тим на трансфер пазарот во Втората лига. Управата не крие дека амбициите се повисоки од кога било, а засилувањата се само доказ за сериозноста на проектот.
Со вакви чекори, Охрид Лихнидос не само што гради конкурентен тим, туку и испраќа јасна порака – тимот е подготвен за битка за елитниот фудбалски ранг во Македонија.
