Второлигашот Беласица ги започна подготовките за новата сезона под водство на искусниот стратег Александар Стојанов.
На првата прозивка на шефот на стручниот штаб Стојанов се појавија 25 фудбалери, а меѓу кои и неколку играчи од младинскиот погон на струмичката фудбалска гордост.
Од клубот заминаа Здравковски Огнен, Симеон Здравковски и Мирче Стоилов, а на нивно место овие денови ќе бидат промовирани неколку нови играчи кои ќе бидат освежување во редовите на Беласица за новата сезона во Втората македонска фудбалска лига.
Според планот за подготовки, до крајот на оваа недела фудбалерите на Беласица ќе тренираат по еднаш во денот, а веќе од понеделник се започнува со два тренинга на ден.
