Суперлигашот Куманово за новата сезона 2025/2026 ја продолжи соработката со уште двајца ракометари, се работи за Иван Димитров и капитенот Давид Цветковски.
Куманово во новата сезона ќе биде предводен од новиот стратег Аце Станковски, а клубот продолжува да гради ростеорт за новата сезона.
Димитров и Цветковски се договорија за соработка од една година.
„Немаше никаква дилема околу мојата иднина во клубот.Нема поголема чест од тоа да се биде капитен на тимот од градот кај си роден, живееш и играш.Ние сме пред се како семејство, функционираме беспрекорно како единка и се надеваме дека така ќе биде и во иднина“, рече капитенот Цветковски.
Исто така и Димитров го дели мислењето на Цветковски околу продолжување на соработката.
„Оваа сезона ќе биде предизвик за нас, затоа што сакаме да одиме чекор повеќе во лигата.Тоа значи дека ќе се обидеме да бидеме помеѓу најдобрите шест тима од табелата во Суперлигата и да се бориме за некои од местата кои водат во Европа“, истакна Димитров по потпишување на договорот со својот матичен клуб.
