Ракометниот клуб Струга продолжува со градењето на ростерот за новата сезона во Суперлигата, во која клубот ќе има повисоки цели. Минатата сезона стружани преку бараж се изборија за опстнанок во елитата совладувајќи го Мулти Есенс, а во новата сезона јасно е дека Струга ќе сака чекор повеќе и сигурен и директен опстанок како прва цел.
Струга ја продолжи соработката со Филип Талевски, кој стави потпис на договор од две години. Талевски кој пред еден месец се оперираше поради повреда, се очекува за брзо да се врати на ракометните терени, а од клубот му порачаа брзо опоравување и враќање на терените.
На голманската позиција Струга се засили со Дамјан Тутенкоски, кој во сезона 2025/2026 ќе го чува голот на Струга.
