Осминафиналето на Меморијалниот турнир во мал фудбал „Благој Истатов 2025“ во Струмица полека се заокружува. Синоќа беа одиграни нови три натпревари од елиминациската фаза, по кои уште три екипи обезбедија место меѓу најдобрите осум.
Гостилница кај Џек во цврст и тактички натпревар ја совлада екипата на Тобако Лени Пулс со минимални 1:0, во меч каде еден погодок беше доволен за четвртфинале.
Со идентичен резултат 1:0, триумфираше и Украс ИНГ против респектираната екипа на Компанија Атанасовски, елиминирајќи еден од потенцијалните фаворити.
Изненадување донесе екипата на Але Дар Премиум, која со 2:0 го совлада Агро Смарт од Штип и на голема врата се пласира во четвртфиналето.
Во рамки на младинските натпревари, синоќа беа одиграни два меча. Брера 1 беше доминантен против ФК Христов, славејќи со 6:0, ЖФК Тиверија ја декласираше екипата Брера 2 со убедливи 0:6.
Најава за вечерва – последните два меча од осминафиналето
21:30 | Хотел Истатов – Еклер Транс
22:30 | Еклектик – Евро Тип
Вечерва ќе се добијат последна два патника во четвртфиналето. Продолжете да го следите турнирот ексклузивно на Спортска Мрежа, медиумски покровител на „Благој Истатов 2025“.
