Денес почнува 14-то по ред Европско првенство во фудбал за жени.
Најголем фаворит за освојување на златото е Шпанија која е и актуелен светски првак од мундијалот во 2023 и освојувач на женската лига на нации во 2024.
Шпанките предводени од добитничката на златна топка Аитана Бонмати, Путељас и Паралуело го формираат најсилниот среден ред и напад на турнирот.
На второ место кај фаворитите е Англија,актуелен европски првак. И покрај неколкуте отсуства на клучни играчи како Мери Ерпс и Фран Кирби остануваат силен конкурент за титулата со Хемп,Волш и Стенвеј,а предводени од искусната Сарина Вигман на клупата.
Во потесниот круг на фаворити се и Германија и Франција, двете селекции со добри играчки ростери и амбиции за титула. Германија, најтрофејната нација во историјата на женските европски првенства (8 титули), е во фаза на подмладување, но со голема традиција.
Франција, пак, сака конечно да ја освои својата прва континентална круна.
Шведска, Холандија и Данска се сметаат за потенцијални изненадувања, додека домаќинот Швајцарија ќе се надева на поддршка од публиката за да стигне што подалеку.
Ова ЕП се очекува со рекорден број гледачи и медиумска покриеност и гледаност и фудбалски најквалитетно досега.
Гордана Кочева, Спортска Мрежа
