По возбудливата и драматична групна фаза, турнирот во мал фудбал „Благој Истатов 2025“ влегува во својата завршна и највозбудлива етапа – нокаут фазата, каде веќе нема поправен. Секоја грешка значи елиминација, секој гол може да одлучи, а страстите на теренот ќе бидат поголеми од кога било досега.
Во рамки на осминафиналето, ќе се одиграат вкупно осум дуели, а првите три се закажани за среда, 2 јули:
- Среда – 2 јули 2025 (први осминафинални натпревари)
21:00 | Дивино Босилово – Црна Река
22:00 | Фреинт Оне – Фурна Марфи
23:00 | ФК Дрвош – Фенербахче
- Останатите дуели од осминафиналето ќе се одиграат во следните денови, според шемата:
Компанија Атанасовски – Украс ИНГ
Гостилница кај Џек – Тобако Лени Плус
Евро Тип – Еклектик
Агросмарт – Але Дар Премиум
Хотел Истатов – Еклер Транс
Инаку, вечерва беа одиграни последните натпревари од групната фаза. ФК Дрвош беше убедлив против Фурна Марфи со 4:1. Во вториот меч Фреит Оне загуби со 1:4 од Евротип, а пак третиот меч Еклер Транс го доби службено со Макс Бет (3:0).
Победниците од овие натпревари ќе обезбедат место во четвртфиналето, каде конкуренцијата ќе биде уште поостра, а целта – блиску до гламурозниот финален меч и наградниот фонд од еден милион денари, од кои првиот освојува 500.000 денари.
Сите резултати, анализа и ексклузивни содржини – следете ги само на Спортска Мрежа, медиумски покровител на Меморијалниот турнир „Благој Истатов 2025“.
