На Меморијалниот турнир во мал фудбал „Благој Истатов 2025“ сè повеќе се вжештува атмосферата – натпреварите влегуваат во клучната фаза, а секој бод е од огромно значење за пласманот во нокаут-фазата. Вечерта понуди изненадувања, голови и голема борба на секој дел од теренот.
Во дербито на групата Б, Тобако Лени Плус забележа голема и важна победа со резултат 1:3 над Фенербахче. Гостилница кај Џек вечерва одигра два натпревара. Прво, во отворен и динамичен дуел ја совлада екипата на Импулс Радио со 7:4, благодарение на брза игра и ефикасен напад.
Сепак, во вториот натпревар на истата вечер, Гостилница кај Џек беше изненадена од ФК Дрвош, кој славеше со 2:4, во меч што покажа дека заморот и интензитетот се сериозен фактор на турнирот.
Во рамки на натпреварите за најмладите, тимот на Авелино ја прегази екипата на Конче со високи 8:1, демонстрирајќи дисциплинирана и организирана игра која вети многу за завршницата на турнирот.
Спортска Мрежа е медиумски покровител на овој спортски настан кој се одржува во Струмица.
