Новиот прволигаш Арсими продолжува со креирање на конкурентен тим за сезоната 2025/26, ангажирајќи го босанскиот фудбалер Армин Бешагиќ како ново засилување за средниот ред.
27-годишниот Бешагиќ е фудбалер со богато искуство во фудбалот на Босна и Херцеговина. Во досегашната кариера настапуваше за реномирани клубови како Сараево, Искра, Бихаќ и Игман Коњиц, каде што го покажа својот квалитет и сигурност во организацијата на играта.
Со неговото пристигнување, Арсими добива стабилност во средината на теренот, што е особено важно за екипа која се подготвува за своето деби во најсилната македонска лига.
Од клубот му посакаа добредојде на Бешагиќ, изразувајќи уверување дека новото засилување ќе биде значаен дел од тимот кој има амбиција да остане во елитата и да се наметне како сериозен противник за секој ривал.
