Фудбалската треска во Мешеишта не стивнува – понеделничката вечер на турнирот „Петровден 2025“ донесе четири нови возбудливи натпревари, важни резултати и уште поголема неизвесност во групите што сè уште го чекаат својот расплет. Атмосферата и натаму е на највисоко ниво – на терен и на трибините.
Инитали во цврст натпревар славеше со 2:1 против Том Гор, освојувајќи клучни бодови. Здружение на возачи Ресен во ефикасен меч ја победи екипата на Игор Бенд Бушиноски со 7:4. Типлери го добија директниот дуел со Ескобар Волино со резултат 2:4. Во последниот натпревар, Др. Баткоски беше подобар од Чардак Велгошти со 2:1 – уште една драматична завршница
Со ова, неколку групи се комплетираат, додека други добиваат нова неизвесност пред крајот. Турнирот продолжува со огромно внимание од публиката и медиумите, а „Спортска Мрежа“ е постојано присутна со целосна покриеност.
- Распоред за вторник, 1 јули:
20:30 | Хотел и Спа Инекс Олгица – Виена Комерц
21:30 | Вила Мина Ќе има сè – Петровден Мешеишта
22:30 | Фурна Настоски и Форт Кафе – Сатеска
Очекуваме уште една вечер со дерби натпревари, кои ќе го заокружат патот до осминафиналето. Борбата продолжува, страста расте – „Петровден“ е повеќе од турнир, тоа е традиција, историја и спортска слава.
Спортска Мрежа – ексклузивен медиумски покровител на турнирот – останува на терен со сите информации и извештаи во живо!
