Во рамки на втората натпреварувачка вечер на „Петровденскиот турнир“ во Конче, беа одиграни уште два натпревари, кои донесоа нови возбудувања и квалитетен мал фудбал под рефлектори.
Во првото дерби од вечерта, во радовишко соочување, екипата на Фурна Марфи продолжи со одлична форма и убедливо ја совлада Ресторант Гринс со резултат 6:1.
Во вториот натпревар, составот на Црна Река од Кавадарци покажа одлична тимска игра и го победи тимот на Стивал од село Лубница со 4:1, што им донесе важни бодови во групната фаза.
Турнирот, кој се одржува по 28-ми пат, и годинава го носи препознатливиот спортски дух на Конче, а финалето е закажано за 12 јули, на празникот Петровден.
Спортска Мрежа продолжува да го следи и медиумски да го покрива секој чекор од ова спортско случување, во организација на ФК Серта – Конче.
