Од денес започнува новиот меѓународен турнир во мал фудбал „Некст Левел 2025“ во Охрид за генерации 2010 и 2011.
Ќе учествуваат 15 екипи од Македонија, Црна Гора, Србија, Романија и Турција, а натпреварите ќе се играат на СРЦ „Билјанини Извори“ во Охрид.
Во генерација 2010 или У-15 ќе бидат шест екипи, кои се поделени во две групи со по три екипи.
Во групата А ќе бидат Нуртепе од Турција, Некст Левел од Охрид и Струга Трим Лум од Струга.
Во групата Б ќе бидат Омладинац од Србија, Јанг Тим од Струга и Андријевица од Црна Гора.
Во генерација 2011 или У-14 ќе настапат девет екипи кои ќе бидат поделени во две групи. Во групата А ќе бидат пет екипи односно Гирода од Романија, Караорман од Струга, ГФК Охрид од Охрид, Ла Масиа од Охрид и Македонија ЃП од Скопје.
Во групата Б ќе бидат Некст Левел од Охрид, Јанг Тим од Струга, ССК од Скопје и Кичево од Кичево.
Спортска Мрежа ја продолжува соработката со „Некст Левел“ и одново ќе биде медиумски покровител со цел да ги пренесе случувањата од сите натпревари преку изјави, фотографии, видеа и најдобри моменти, а секако ќе можете да ја следите и целосната церемонија од доделувањето на наградите.
