Пријавите за учество на турнирот во мал фудбал „Ораовица 2025“ по повод одбележувањето на големиот празник Илинден се во тек. Пријавувањето е отворено д 14 јули, а котизацијата е 4.000 денари.
За овогодинешното издание организаторите решија да го промовиран новото лого кое ќе стане препознатлив симбол на турнирот кој годинава ќе го има своето деветто издание.
„Гордо ви го претставуваме официјалното лого на ,,Турнирот во мал фудбал Ораовица”- спој на спортски дух, локална традиција и македонски идентитет. Фудбалерот во центарот претставува борбеност, страст и натпреварувачки дух. Црковните силуети се симбол на препознатливоста, духовноста и историјата на Ораовица. Планината „Изведен“ е гордост на природна убавина. Краците зад планината се инспирација од Сонцето од Кутлеш – елемент што го поврзува турнирот со македонската историја. 2016 – основање на турнирот и почеток на нова спортска традиција. Логото е идентитет, историја, чест и традиција која ќе се пренесува од генерација на генерација. Благодарност до основачот на официјалното лого- што ќе остави трајна вредност за сите генерации. Благодариме – Димитриј Стојменов“, велат организаторите на турнирот во радовишкото село Ораовица за Спортска Мрежа.
За учество на „Ораовица 2025“ можете да пријавите на 078 433 987, 071 250 418, како и на 072 595 863.
Спортска Мрежа годинава за првпат ќе биде медиумски покровител на овој спортски настан, преку известување од фазата на елиминации до големото финале.
Турнирот се организира од страна на ФК Изведен, со поддршка од Општина Радовиш, која е генерален покровител на настанот.
