Голманот Иван Николоски кариерата ја продолжува во прволигашот Шкупи, а на Чаир доаѓа од редовите на прилепска Победа, неговиот матичен клуб.
22-годишникот голман, кој е поранешен член на репрезентацијата на Македонија до 21 година по заминувањето од Победа, истакна дека сезоната која завршила ќе биде запаметена по нивната храброст, другарство и чист образ.
„Зборови секогаш ќе се малку за тебе, но горд сум на нас. Горд сум и оваа сезона ќе остане запаметена по нашата храброст, другарство и чист образ. ФК Победа со среќа во новата сезона“, рече Николоски.
Инаку, Иван Николоски е син на поранешниот репрезентативен голман Јане Николоски.
