Меѓународниот турнир „Некст Левел“ веќе станува препознатлив не само во Македонија, туку во целиот регион. По успешно организираното трето издание за генерации од 2012 до 2017, „Некст Левел 2025“ ќе има уште едно издание, овој пат за фудбалери од генерации 2010 и 2011.
Турнирот започнува на 30 јули, а ќе заврши на 3 јули кога ќе бидат одиграни финалните натпревари. Локацијата останува иста, СРЦ „Билјанини Извори“ во Охрид.
Во генерација 2010 или У-15 ќе бидат шест екипи, кои се поделени во две групи со по три екипи.
Во групата А ќе бидат Нуртепе од Турција, Некст Левел од Охрид и Струга Трим Лум од Струга.
Во групата Б ќе бидат Омладинац од Србија, Јанг Тим од Струга и Андријевица од Црна Гора.
Во генерација 2011 или У-14 ќе настапат девет екипи кои ќе бидат поделени во две групи. Во групата А ќе бидат пет екипи односно Гирода од Романија, Караорман од Струга, ГФК Охрид од Охрид, Ла Масиа од Охрид и Македонија ЃП од Скопје.
Во групата Б ќе бидат Некст Левел од Охрид, Јанг Тим од Струга, ССК од Скопје и Кичево од Кичево.
Покрај екипи од Македонија, ќе учествуваат екипи од Црна Гора, Србија, Романија и Турција. Спортска Мрежа ќе биде медиумски покровител на овој спортски настан.
