Првата вечер од четвртфиналните натпревари на Меморијалниот турнир во мал фудбал во Лабуништа донесе спектакл под рефлекторите, голови во изобилство и официјално го потврди првиот полуфинален двојник.
Турнирот, кој се игра во чест на Башким Салкоски, Шериф Сефиданоски и Беким Бајрамоски, продолжува да го задржува вниманието на љубителите на футсалот.
Во првиот четвртфинален натпревар, Бербер Шоп Мухаммед уште еднаш ја оправда улогата на фаворит, совладувајќи го тимот на ИВЗ Струга со резултат 8:4. Иако ИВЗ се обидуваше да држи чекор со противникот во првото полувреме, вториот дел донесе целосна доминација на екипата која веќе има постигнато над 40 голови на турнирот. Нападот на Бербер Шоп е брутално ефикасен и подготвен за уште поголеми предизвици.
Во вториот дуел за вечерта, Бинај продолжи со сензационалниот поход. Во натпреварот против силниот Нетто Маркети, Бинај ја искористи секоја шанса и со тактички зрел пристап победи со 4:2. Екипата која во групната фаза влезе тивко, сега е меѓу четирите најдобри, подготвена да оди и до самиот крај.
📌 Прво полуфинале е веќе познато:
🗓 29.06.2025 (недела)
🆚 Бербер Шоп Мухаммед – Бинај
Овој дуел ветува многу – еден од најдоминантните тимови против најголемото изненадување на турнирот. Сè е отворено во битката за финале и слава во Лабуништа.
🎯 Утре (сабота) ќе бидат одиграни и преостанатите два четвртфинални натпревари:
21:30 часот: Кафе Бар Лавадо – Самир Муртезоски
22:30 часот: Балкан Профил – Златара Бени Ерол
Победниците од овие дуели ќе го формираат второто полуфинале.
💰 Награден фонд:
🥇 Прво место – 2.000 евра
🥈 Второ место – 700 евра
🥉 Трето место – 300 евра
Спортска Мрежа е медиумски покровител на турнирот и продолжува да известува од терен – вечер по вечер, натпревар по натпревар. Останете со нас – македонскиот спорт на едно место!
