Младите категории на ГФК Осогово од Кочани викендов ќе го претставуваат клубот на првото издание на „Football Summer MINI CUP“ – турнир за млади фудбалери што ќе се одржи оваа сабота и недела на Градскиот стадион во Богданци.
Дел од младиот тим на Осогово веќе од денеска престојува на камп во Дојран, каде се подготвуваат за турнирот. На кампот присуствуваат деца родени од 2012 до 2016 година, кои се под водство на тренерот Тоде Митев.
На турнирот во Богданци, ГФК Осогово ќе учествува во неколку возрасни категории односно генерација 2013 каде ќе настапи со Вардарски и Дрим Тим во групата А. Во генерација 2014 екипата на Осогово е во групата Б со Кожуф и Вардарски.
Ова учество претставува одлична можност за младите фудбалери од Кочани да стекнат ново искуство, да се соочат со врсници од други клубови и да го почувствуваат натпреварувачкиот дух во позитивна и едукативна средина.
