Македонскиот прволигаш Силекс денес се тестираше со Дрита од Косово во Банско, Бугарија, победник на мечот немаше, а беа постигнати четири погодоци, за конечни 2:2.
За македонскиот прволигаш погодоците ги постигнаа двајца дебитанти, Мартин Мирчевски од пенал и Миљан Говедарица кој беше прецизен со глава. За екипата на Дрита стрелаа Арб Мајан и Лиридон Балај.
Силекс втората фаза од подготовките ја реализира во Банско, Бугарија, а во првото квалификациско коло за Конференциската лига на УЕФА ќе се соочи со Дечиќ од Црна Гора. Првиот меч се игра во гости, а вториот дома, во Скопје.
