Познати се полуфиналистите на „Црнилиште Куп 2025“ откако вечерва беа одиграни натпреварите од четвртфиналето кои понудија неверојатна атмосфера, а публиката проследи и пенал серија.
Во првиот натпревар беа постигнати шест погодоци, реми на Галатасарај и Озан Ајаз во регуларниот дел, а во пенал-серијата поуспешна беше екипата на Азан Ајаз која со 3:1 триумфираше со ударите од белата точка и обезбеди полуфинале на „Црнилиште Куп 2025“.
Вториот натпревар беше вистинско дерби каде беше неизвесно до самиот финиш од натпреварот. Фасада Чајник немаше среќа и беше поразена со 1:2 од Роденденски Пињати со што тимот обезбеди полуфинале.
Во третиот натпревар беа постигнати шест погодоци за триумф на екипата на Фенербахче од 4:2 над Даути Градба. Овој натпревар беше со најмногу погодоци, но и меч каде имаше поголема резултатска предност.
Во последниот меч патникот за полуфинале беше решен со еден гол, откако екипата на Zgjimi Kompani со минимални 1:0 ја доби Пилана Жарко.
Во полуфиналето ќе се соочат Озан Ајаз против Роденденски Пињати, а пак Фенербахче оди на мегдан со Zgjimi Kompani, а полуфинални соочувања се играат утре.
Спортска Мрежа е медиумски покровител на овој спортски настан.
