Понеделничката вечер во Мешеишта донесе нови три натпревари исполнети со темпо, фудбалска зрелост и резултати кои може да бидат клучни за развојот на групната фаза на јубилејниот турнир „Петровден 2025“.АСП Пак повторно блескаше и ја совлада екипата на Чардак Велгошти со 6:2, забележувајќи уште една убедлива победа. Ночелино успеа да го изненади тимот на Компани Стојкоски и славеше со 1:2, запишувајќи вредни бодови, додека пак екипата на Инитали одигра цврсто и сигурно, победувајќи ја Блу Фиш со 2:0.
Со ова, неколку групи добиваат сѐ појасни контури, а борбата за пласман во нокаут фазата станува сè поинтензивна. АСП Пак е веќе сериозен кандидат за освојување на турнирот.
- Распоред за вторник, 24 јуни:
20:30 | Игор Бенд Бушиноски – Топлина
21:30 | Бел Мерцедес – Виена Комерц
22:30 | Петровден Мешеишта – Пекара Илинче
Се ближи крајот на групната фаза, а секој меч станува одлучувачки. Публиката продолжува да ја исполнува трибината до последно место, а атмосферата во Мешеишта е вистинска спортска магија. Спортска Мрежа останува на теренот – со резултати, фотографии и извештаи од секој натпревар!
