Прволигашот Работнички претстави ново засилување за новата сезона, се работи за Флоријан Кадриу, кој стави потпис на договор од една година со опција се продолжување на уште една година со „романтичарите“.
Се работи за 29-годишен напаѓач кој во клубот од Дебар Маало доаѓа од Шкупи, а низ својата кариера настапуваше и за Ренова, Влазерими и Струга, а во минатото беше исто така дел од Работнички, па ова за него е враќање меѓу „романтичарите“.
Има настапувано за Тирана, Теута и Ерзени од Албанија, како и за Сабаил од Азербејџан и Атирау од Казахстан.
Работнички добива вистинско освежување во своите редови, а тимот се подготвува за квалификациите во Конференциската лига на УЕФА за тимот на Торпедо Белаз од Белорусија.
