Новиот второлигаш Големо Коњари го утврди датумот за подготовки за новата сезона. Новиот стратег Јовица Блажески на 13 јули ќе ја собери екипите и ќе означи почеток на подготовките.
Веќе се работи на утврдување на планот за подготовките, а тимот ќе одигра и неколку пријателски натпревари преку кои ќе ја проверува формата, а според нашите информациите ќе бидат одиграни околу пет пријателски натпревари.
Исто така, Според информациите на Спортска Мрежа раководството на Големо Коњари работи на ангажирање на нови засилувања со цел подигање на квалитетот за новата сезона.
Во моментот се врши санација и реконструкција на теренот и соблекувалните, со цел фудбалскиот терен во село Големо Коњари да ги исполнува условите за одигрување на второлигашки натпревари, за што веќе информираше Спортска Мрежа.
Дополнително, како што веќе објави Спортска Мрежа, ФК Големо Коњари врши упис на деца од генерација 2009, 2010, 2011 и 2012, а овие генерации ќе се натпреваруваат во лига. Сите заинтересирани ќе може да се пријават и да заиграат за младинските категории на ФК Големо Коњари во новата сезона.
