Новиот второлигаш Големо Коњари врши уписи на деца во машка и женска конкуренција за генерација 2009, 2010, 2011 и 2012 од село Големо Коњари или околни места.
Генерациите за кои се врши успи ќе се натпреваруваат во лига, а пријавувањето е отворено до 22 јуни (недела).
Сите заинтересирани може да го контактираат клубот на неговата официјална страница на социјалната мрежа Фејсбук, на телефонскиот број 070 646 218 (Тони) или во просториите на клубот.
Клубот формира младински категории со што им се отвара шанса на многу млади фудбалери од околината на Прилеп да заиграат за ФК Големо Коњари во младински категории и да направат чекор повеќе во развојот на нивните фудбалски кариери.
Клубот интензивно работи на реконструкција и санација на самиот терен и простории, со што ќе се овозможат услови за одигрување на второлигашките натпревари во Големо Коњари.
