Македонскиот голман Марко Алчевски ќе има нов клуб во неговата кариера, откако реши од Израел да се пресели со Србија, а кариерата ќе ја продолжи во ОФК Белград.
Алчевски го чуваше голот на Хапоел Ерусалим, а во израелскиот тим пристигна од македонскиот прволигаш Брера Струмица, но во немаше многу шанса во Хапоел Ерусалим бидејќи само на два натпревари беше меѓу стативите и помина 180 минути.
23-годишниот битолчанец ќе биде на позајмица во српскиот тим, каде ќе биде прв голман, бидејќи ОФК Белград го продаде својот голман Балша Поповиќ во Олимпијакос, трансфер кој треба да се реализира во следниот период.
Својата кариера ја издигна во Брера Струмица, беше и на позајмица во Борец, а потоа се врати во Брера Струмица и од таму го направи првиот интернационален трансфер селејќи се во Израел.
Алчевски ги има поминато сите младински репрезентации на Македонија.
