Мешеишта вечерва ќе биде центарот на спортските случувања во Македонија! Со почеток во 20:30 часот започнува јубилејното 50-то издание на традиционалниот турнир во мал фудбал „Петровден“, кој оваа година блеска во полн сјај со рекорден интерес, дури 34 екипи и награден фонд од вкупно 500.000 денари.
Турнирот официјално ќе биде отворен со три возбудливи дуели од групната фаза:
- Среда, 18.06.2025
20:30 | Сатеска – Ночелино
21:30 | Гранит Х – Компани Стојкоски
22:30 | Ескобар Волино – Чардак Велгошти
Следниот ден, четврток, целата вечерна програма ќе ја обележи настапот на Кафе Бар Коко, кој ќе одигра три натпревари по ред против Инитали, Том-Гор и Блу Фиш.
Турнирот и оваа година е организиран на врвно ниво – како и секогаш, со полни трибини, спортски дух и бескомпромисна борба за победа.
„Спортска Мрежа“ традиционално го поддржува настанот како медиумски покровител, со целосно покривање на сите натпревари, резултати и атмосферата од теренот.
