Со рекорден интерес и извонредна организација, оваа среда започнува јубилејното, златно 50-то издание на традиционалниот турнир во мал фудбал „Петровден“ во Мешеишта. Турнирот кој пет децении претставува симбол на спортот, заедништвото и локалната гордост, и оваа година ги надминува сите очекувања.
Вкупно 34 екипи ќе се борат за богат фонд од 500.000 денари, што е највисок во историјата на турнирот. Учесниците се поделени во осум групи, а во продолжение следуваат комплетните состави по групи:
Група A
1 Типлери
2 АСП ПАК
3 Др. Баткоски
4 Ескобар Волино
5 Чардак Велгошти
Група B
1 Гранит Х
2 Компани Стојкоски
3 Фурна Настоски и Форт Кафе
4 Ночелино
5 Сатеска
Група C
1Пекара Илинче
2 Вила Мина – Ќе има сѐ
3 Петровден Мешеишта
4 Кампинг Љубаништа
Група D
1 Инитали
2 Кафе Бар Коко
3 Блу Фиш
4 Том-Гор
Група E
1 Мешеишта
2 Здружение на возачи Ресен
3 Игор Бенд Бушиноски
4 Топлина
Група F
1 Доел Ноче
2 Зурли и Тапани Вевчани
3 Брумел
4 Аце Најдески
Група G
1 Македонија
2 БЗ Груп Струга
3 Гостилница Кај Мече
4 Мексико
Група H
1 Хотел и Спа Инекс Олгица
2 Бел Мерцедес
3 Виена Комерц
4 Кафе Бар 9
Групната фаза започнува во среда, 18 јуни, со воведни три натпревари: Сатеска – Ночелино (20:30), Гранит Х – Компани Стојкоски (21:30) и Ескобар Волино – Чардак Велгошти (22:30). Продолжува во четврток со три последователни меча на екипата Кафе Бар Коко – против Инитали, Том-Гор и Блу Фиш.
Најдобрите четири екипи ќе бидат наградени со високи парични суми – 300.000 денари за првото место, 120.000 за второто, 60.000 за третото и 20.000 денари за четвртото место. Ќе бидат доделени и индивидуални признанија за најдобар играч, голман, стрелец и млад играч – во чест на прерано починатиот Јован Николоски, симболично обединувајќи го спортот со човечката вредност и сеќавање.
Како и изминатите години, „Спортска Мрежа“ ќе биде присутна на сите натпревари како медиумски поддржувач, обезбедувајќи извештаи, видео-содржини и фотографии директно од теренот.
Очекувањата се високи – трибините ќе бидат исполнети, атмосферата ќе биде врела, а Петровден уште еднаш ќе потврди зошто е најочекуваниот летен турнир во регионот.
