Второлигашот Беласица за 2 јули го закажа стартот на подготовките за новата сезона 2025/2026.
Првата фаза од подготовките ќе се реализира во Струмица, а веќе за втората фаза можна е преселба на десетдневни подготовки. Клубот предводен од шефот на стручниот штаб Александар Стојанов ќе одигра и шест до седум пријтелски натпревари за темпирање на формата, а противниците ќе бидат познати во следните денови.
“За новата сезона влегуваме со повисоки амбиции а тоа е напаѓање на едно од местата кои водат во повисок ранг, за една сезона тимот е поискусен, остануваат скоро сите играчи од претходната сезона а ќе го надополниме ростерот со уште 4-5 квалитетни играчи кои ќе внесат дополнителен квалитет и свежина во тимот“, рече Стојанов за клупската страна.
Во следниот период Беласица ќе ги промовира нови засилување во своите редови.
