ЖРК Металург Автокоманда продолжува со креирање на ростерот за новата сезона, со продолжување на соработката и промоција на нови ракометарки.
Тимот на Металург Автокоманда ја продолжи соработката со Александра Коловска, откако двете страни се договорија за соработка и за следната сезона.
Тимот на Јулијана Дамчевска на пивотменска позиција ја задржа искусната македонска репрезентативка, која ќе го носи „плавиот“ дрес, а која е голем борец на теренот и од огромно значење за екипата.
Претходно, како што веќе информираше Спортска Мрежа, ЖРК Металург Автокоманда ги промовираше Петра Јершек, Анастасија Николовска, Ива Божиновска, Сара Ристовска, Ана Марија Коларовска, а пак ја продолжи соработката со Марија Гугуљанова, Марија Јанкуловска, Софија Гошевска, Јана Ѓошевска и Мина Ѓурчевска.
Тимот на Металург Автокоманда сезоната во Суперлигата ја заврши на второто место.
