Вечерва се одиграа четвртфиналните натпревари на Меѓуопштинскиот турнир во мал фудбал „Ресен 2025“, огромен интерес кај публиката да ги проследи натпреварите, одлична атмосфера и возбудливи и неизвесни натпревари.
Во првиот меч екипата на АСП Пак лесно се чекираше во полуфиналето откако со 3:1 го доби тимот на Фасада Чајник. Во вториот четвртфинален меч екипата на Центар Бела Црква Прилеп со 2:0 го доби тимот на Кафе Бар 9 и обезбеди полуфинале.
Во третиот меч поголема неизвесност, екипата на Хризантема со 1:2 беше подобра од тимот на Здружение на возачи, а пак екипата на Пекара Александар во полуфиналето патува откако со 2:1 ја исфрли екипата на Аце Најдески.
Ова значи дека во полуфинале обезбедуваат екипите на АСП Пак, Центар Бела Црква Прилеп, Здружение на возачи и Пекара Александар.
Во првиот полуфинале натпревар од 20 часот ќе се соочат Хризантема против Пекара Александар, а од 22 часот Центар Бела Црква Прилеп оди на мегдан со АСП Пак.
Помеѓу двата полуфинални натпревари ќе се одигра ревијален натпревар со играчи од младинската школа на ФК Преспа.
