Битола е во еуфорија по новиот голем успех на Еурофарм Пелистер откако ја освои својата третата титула по ред во Суперлигата, триумфирајќи над големиот ривал Вардар на гостински терен.
Со гордост и радост, градоначалникот на Општина Битола, Тони Коњановски, им упати јавна честитка на шампионите:
“Честитки за нашата гордост Еурофарм Пелистер! Само еден тим! Само еден град! Само Пелистер! Само Битола! Битола и битолчани сме горди што ги имаме овие шампиони кои ги топлат нашите срца!”
Воедно, Коњановски ги повика сите битолчани и верните Чкембари, кои во огромен број го бодреа тимот во Скопје, заеднички да ја прослават титулата.
“Ги повикувам сите битолчани утре во 20 часот на платото на Офицерскиот дом да ги поздравиме шампионите и да прославиме уште една титула!”
Како дополнителен гест на признание, градоначалникот најави дека на следната седница на Советот на Општина Битола ќе предложи награден фонд од 3 милиони денари за ракометниот клуб Еурофарм Пелистер за постигнатиот успех.
Битола уште еднаш покажа дека живее за ракометот — титулата се враќа дома, а славјето допрва следува!
