Силекс продолжува со кроењето на тимот за новата сезона, тимот од Кратово промовира нови засилувања, но и ја продолжува соработката со своите фудбалери.
Вицешампионот од Кратово ја продолжи соработката со Ангелче Тимовски, кој останува верен на Силекс и во следната сезона, откако двете страни се договорија со продолжување на соработката.
Фудбалерот од Пробиштип потекнува од младинската школа на Силекс, член е на клубот 13 години, а во тој период запиша 215 натпревари односно 16.800 минути во „црвено-синиот дрес“ во сите натпреварувања.
30-годишникот низ својата кариера покрај за Силекс има настапувано и за Победа од Прилеп, Шкендија, Шкупи и Гостивар на домашната сцена.
Во сезоната која измина Тимовски одигра 28 натпревари за Силекс, постигна еден гол и запиша три асистенции, а пак во Купот на Македонија запиша една настап за тимот од Кратово.
