Еден од клучните играчи во шампионскиот состав на Еурофарм Пелистер, Богдан Радивојевиќ, ќе остане дел од битолскиот клуб и во сезоната 2025/26. Српското десно крило постигна договор за продолжување на соработката за уште една година, со што клубот обезбеди континуитет на искуство и квалитет на крилната позиција.
32-годишниот Радивојевиќ, познат по својата победничка менталност, и понатаму ќе биде важен дел од амбициозниот проект на Еурофарм Пелистер. Тој е играч кој низ кариерата освојувал трофеи каде и да настапувал — во дресовите на Партизан, Рајн Некар Левен, Флензбург, ПИК Сегед, а во последните две сезони и со Еурофарм Пелистер.
Само во последните две сезони (2023/24 и 2024/25), Радивојевиќ одигра 27 натпревари за битолскиот клуб во Лигата на шампионите и беше значајна алка во освојувањето на титулата во македонскиот шампионат.
Со овој потег, клубот уште еднаш покажува решеност да ја задржи квалитетната јадро и шампионскиот дух во пресрет на новата сезона.
