Вечерва беа одиграни нови четири натпревари на меѓуопштинскиот турнир во мал фудбал „Ресен 2025“, а оваа вечер понуди многу погодоци и одлични натпревари на задоволство на публиката.
Во првиот меч победникот се бараше преку пенали откако во регуларниот дел Центар Бела Црква Прилеп и Могила одиграа 2:2, а во пенал серијата прилепчани беа подобри со 6:5.
Во вториот меч екипата од Прилеп одигра нов меч, но овој пат загуби од Пекара Александар со резултат од 2:4.
Во третиот меч екипата на Здружение на возачи со лото победа од 7:1 го декласираше тимот на Евротип.
Последниот меч понуди голема неизвесност на теренот, а екипата на Аце Најдески со 2:1 славеше над Враништа.
Спортска Мрежа е медиумски покровител на овој спортски настан во Ресен.
