ГРК Охрид продолжува со засилувањата за новата сезона 2025/2026! Најново име во тимот е Стефан Петриќ, 24-годишен српски ракометар кој настапува на позицијата лев бек. Петриќ, висок 197 сантиметри, доаѓа од редовите на РК Вардар 1961, каде што помина две сезони и беше дел од европските настапи на „црвено-црните“.
Пред да го направи трансферот во Македонија, тој беше еден од клучните играчи на РК Партизан, клуб каде што ја изгради својата кариера и го привлече вниманието на интернационалната сцена. Има богато искуство и на репрезентативен план, со настапи за сите младински категории на селекцијата на Србија, што е дополнителна потврда за неговиот потенцијал и квалитет.
Со неговото приклучување, „Гладијаторите“ од Охрид добиваат физички моќен и борбен бек кој ќе биде сериозно оружје во новата сезона.
Денес, клубот и официјално му посака добредојде во новата средина.
Очекувањата од навивачите се големи, а новиот предизвик за Петриќ е да ја оправда довербата и да биде еден од носителите на играта на охридскиот клуб во новата сезона.
