До крајот на оваа сезона, на Охрид му преостануваат уште два суперлигашки натпревари.
Имено, едниот натпревар, Охрид требаше да го одигра во четврток против Алкалоид на гости, меѓутоа домаќинот го промени терминот за петок (06.06). Вториот натпревар за Охрид е на домашен терен во сабота (07.06) против Тиквеш, а поради големата важност на тој натпревар за охриѓани, тие одлучија против Алкалоид да настапат во комбиниран состав- со младинскиот погон на ГРК Охрид.
Мечот во Автокоманда е закажан во 18:00 часот, додека пак оној на домашен терен со Тиквеш, ќе се игра во 20:00 часот во СРЦ ,, Билјанини Извори “.
